失眠

整日處於唔夠訓既狀態
導致整個人變得唔理智
不其然心情容易變得反覆
攪成咁都係因為我家姐
為左令佢既擔憂變得舒服啲
我就答應同佢係大陸過一晚夜
我哋都有好多年冇咁樣兩姊妹講家事講天光喇
近來我哋兩個自己工作上或另一伴方面都唔係咁好
佢公司老闆又俾壓力佢
老公唔想打工想係我哋屋企一齊做生意
剛買左層樓而個女又剛出世
要一個女人咩起成頭家的確好辛苦既

至於我…
最近真係好黑
因為所有生意都到差唔多做貨個時就全部Hold起哂
本來依兩個月收入應該都唔錯架…唉！個天又玩我
至於另一伴既問題同樣地Hold起左
大家冇去解決問題拖得就拖咁
只因唔想令大家煩上加煩
某程度上可以話逃避
但起碼可以俾到佢安心工作
而我依兩日就好似精神病咁
想搵佢又唔想搵佢
想見到佢又唔想見到佢咁
以為可以避免會撞到但又偏偏撞到
之後就變得好複雜
其實我知道心入面係點諗
只係唔想去面對姐
我淨係覺得要一齊唔需要日日都對住
兩個人多啲空間就唔會產生咁多壓力
何況我哋依家都未有定案
我自己都唔知自己想點
只求依刻安樂一切隨緣

吖…今日發生左啲趣事
就係係鋪頭無聊之際
撞到女主角
我依然係我
笑笑口同佢打招呼
不過佢俾我既反應覺得佢有啲唔開心
不過都正常既
其實我自己都有依種感覺
但過左一陣又好開心咁冇嘢喇
可能我俾明日之星分散左注意力
所有思維集中哂係啲生意度
講完笑又眼訓
後尾我淨係覺得好攰想有人車我返去咋
哈…成功左！
返到屋企留下同屋企人同肥豬一邊食嘢一邊相討屋企另一邊既生意
唉…到最後我得到既結論係我老豆真係有病架…
講極都係諗埋一邊…激死我！
返到屋企第一時間就同肥豬沖涼
佢真係好臭><
依家佢係我身邊反轉左個肚扯住鼻鼾訓到死左
所以我先至三點幾仲係度寫Blog
不過佢都唔係最主要原因既
哈…