病假

今朝起身都仲係好唔舒服
但係我點都要返大陸做辦
見咁辛苦我就打俾老西叫佢哋自己攪掂
有人一早理都唔理就出去開會
只係打過電話黎問我幾點出門口返大陸
唉…我超軟賴賴又頭痛
我都冇氣喇
唔理咁多繼續休息
十一點幾發現有人返左黎
仲訓左係我隔離
我一訓又二點幾
師傅打黎追我羅辦
所以我點辛苦都要上一上去
帶住個樣衰衰口罩返大陸
攪掂曬成六點幾連嘢都未食
返到香港都七八點
打俾大病毒睇下佢點
本來約好係屋企煮飯仔食
點知走左去睇停車場
行黎行去睇左二個鐘都未攪好
我就行到面都青埋
是但係間餐廳度食嘢
我個刻超唔舒服已經咩都唔想食
等佢食完
返到屋企我第一時間就爬上床訓
我一病真係唔掂當吖