出奇

今日唔知道係咪好日子
生意好所有事都好順利
本應放工反去帶肥豬返西環
以為冇人係屋企諗住用個西瓜移形換影
點知開門就知前工盡廢
見到面總覺得有種唔自然既感覺
冇準備下我又冇乜嘢想講
只係繼續幫肥豬執包袱
同時又一樣叫自己開心啲唔好諗之前俾自己有壓力扮懵扮傻咁離開
但估唔到同時間地佢一樣扮懵扮傻話落街買嘢飲同我去撘車
雖然相處既時間唔係好耐
佢又好似以往一樣好自然撒嬌想我幫佢撚下攬下佢
但我自覺有啲抗拒
可能係因為我仲未知道自己要唔要反去
怕自己重蹈覆轍
我只知道依刻未Ready

Emerged

已經忘記今天是出走的第幾個晚上
由第一天選擇離開的一秒鐘
我並無後悔
可能是找到一處更適合自己生活的地方
同時發現幸福的由來快樂的方式
看似失去但實際上是擁有

這些日子我學會了反思
但每晚一個人睡不著的時候
仍會想起當初傷害自己的那位嗎？
會不久想起被傷害的痛嗎？
有否掛念著誰？
還愛嗎？
會恨嗎？
這樣下去是為了什麼？
不走下去又會如何？

答案隨著日子浮現也同時流走
經歷太多反思的時間也相對多

要快樂不需要擁有
要幸福只需要保留

要日子變得簡單容易
只要不直接接觸或被接觸
強迫自己要正面要快樂
我就能感到平靜
內心告訴我它正享受此刻的安寧
此刻所有我都能做到了
但事實上這樣不是很悲哀嗎？

不管怎樣
還感謝身邊的家人和好友
我的愛應該是屬於你們的

出走的真相

其實我唔係想要去打攪任何人，我都知道咁樣會對佢哋心情都有所影響，但我只係想攪清楚整件事，想知道佢係咪又再講多過大話先決定點做
我係依兩年幾黎一直默默忍受所有大話所有對我既傷害，用離婚同我交換生命，俾我睇到整個過程，我已經原諒左佢以為佢會改過唔會再講大話，幾個月後佢又再一次講大話要我留係香港，講真我經過咁多次我一早就知道佢講大話，佢當全世界都白痴，只不過我又一次扮傻扮唔知道，我唔明白既係點解每次都要俾我見到，佢想去影相？而佢就專注工作？冇發生過咩事？但如果就係咁簡單點解佢唔可以坦白啲同我講呢？
其實我對佢已經冇曬希望，每次求我返佢身邊之後再次俾佢折磨，我精神情緒已經承受唔到喇！
我只係想清楚佢既諗法，如果想同返佢起埋一齊，我係可以退出可以俾個機會自己完全死心，想清楚所有同我講既係咪事實，只希望知道真相，俾自己有一個最後決定！
經過對話完全理解一個自私既人對另一位自私既人睇法跟一般人真係好唔同
唔明白為咩要替佢講好說話
我只可以話相同既人當然覺得無咩大不了更自以為是
但實際上佢同時提醒我要點樣先可以令自己舒服啲
既然佢哋都覺得冇問題既時候我又何需擔心對方點諗呢？
就如佢講一樣
就當自己又上多堂課
最後我要好好多謝佢哋既教導

tks

經過咁多不愉快
幸運地我係當中搵到另一種快樂
雖然我失去愛情既愛
但我得到既係更多朋友同家人既愛
相比愛情依一種愛令我覺得更加實在
因為佢唔會容易一下子就被改變
又或者一生都唔會變

今次我要好好多謝我一位一齊成長既好朋友
佢陪我渡過最難涯既一晚
我哋兩個都一樣因為愛而重傷
也因為愛同時間發現另一種愛
十三年前同十三年後既今日所有嘢都冇變過
再次踏入佢屋企個刻我好感動
諗返起好多回憶
感覺好溫暖
用佢既毛巾
著上佢既睡衣
訓上佢張床
再細心睇屋企每一個角落
所有擺設所有相片
講返起以前既趣事
我已經忘記我為咩會嚟到依度
好好咁訓左一覺

等二朝同佢坐車返工
而我返到自己既屋企
半睡中聽到小天使叫自己既聲線
見到佢企係旁邊對住自己笑
家人既默契
又令我感受到佢哋既重要

其他好朋友既慰問
佢哋既關心同留言
陪我講電話聽我講心事俾意見我
佢哋既愛我同樣深深感受得到

真心多謝你哋既厚愛

狼又來了

當決定選擇講大話個一刻就應該預計到會有今日咁既結果，再冇得返轉頭，佢身邊既朋友已經警告過佢，而我係離開之前及途中都一樣有警告過佢，返嚟後我已經好努力扮傻扮唔知道，繼續做好你身後既女人，難道唔明白咩叫做“令可被人知，莫可被人見”嗎？點解每次都要令我冇晒尊嚴
我愛一個人唔應該要承受咁既對代，我原諒同相信一個人唔應該會再受到傷害
我個世界唔係淨得廖銘賢依個男人
我為咩要咁？

信任

開始又覺得好冇安全感
每次行經電腦周圍
點解佢要咁緊張呢？
係咪怕我睇到啲咩？
咁辛苦又何必呢？

五月八日

五月節又係食粽既日子
有人由未到五月就開始想食
好…咁去食羅
食完就返工
今日啲時間過得好快
可能係Louise同gary係度攪攪陣已經用左我半日時間
再夜啲食埋外賣要九點幾喇
做多陣又放工
但攪攪下我成十一點半先係公司走
功夫Panda都到左我仲拿住個電話同師傅講緊辦
講完都去到廟街喇
又是但搵間大排檔食就算
又是但叫左四碟送
唔覺唔覺同佢講講下都成十二點幾喇
返到屋企又成點
電話又冇電
開門發現有人訓左
將個電話羅去電腦差電
“登”一聲
有人好驚咁立即彈出黎
原來係怕我見到佢啲Msn

病假

今朝起身都仲係好唔舒服
但係我點都要返大陸做辦
見咁辛苦我就打俾老西叫佢哋自己攪掂
有人一早理都唔理就出去開會
只係打過電話黎問我幾點出門口返大陸
唉…我超軟賴賴又頭痛
我都冇氣喇
唔理咁多繼續休息
十一點幾發現有人返左黎
仲訓左係我隔離
我一訓又二點幾
師傅打黎追我羅辦
所以我點辛苦都要上一上去
帶住個樣衰衰口罩返大陸
攪掂曬成六點幾連嘢都未食
返到香港都七八點
打俾大病毒睇下佢點
本來約好係屋企煮飯仔食
點知走左去睇停車場
行黎行去睇左二個鐘都未攪好
我就行到面都青埋
是但係間餐廳度食嘢
我個刻超唔舒服已經咩都唔想食
等佢食完
返到屋企我第一時間就爬上床訓
我一病真係唔掂當吖

virus

有人病病地不停流鼻水又頭痛
又係我要做野既時間喇
為左等佢可以快D好返唔使病住黎做野
所以我就好好咁照顧佢喇
餵佢食藥,沖野佢飲,幫佢按摩吓
等佢訓著左我先至出返去畫圖做野

依....點解我做做下到我開始流鼻水架?
依....點解我開始覺得頭痛架
死....我賴野

當我發現個時已經太遲
我帶病都要返工
因為我2位老西都失左蹤

嘩!今日超辛苦
隔硬開鋪
D人一見我到咁鬼樣仲會入黎買野咩
仲要依2日生意都唔係好
阿REI成10點先返黎有鬼用咩
人影都冇隻
所以冇生意係正常既
哈..我又係度安慰自己喇

同佢講叫佢聽日頂我
佢個樣已經話左比我聽"唔係掛!"
唉!算啦!
聽朝訓醒先決定返唔返工!

就到3點
阿大病毒仲未返黎
唉!算啦!
我頂唔順去訓先!

五五

今日似乎好多野做
一開門TAMMY同我講要訂80-100件婚紗
但佢個期同個價嚇死人羅
加上之前同佢做生意既經驗
所以今次我PASS比地獄幫跟好過
唔好浪費我時間
阿地獄一聽到個ORDER第一時間飛出黎搵我
平時都唔見佢咁有HEART...唉!
之後黃健文又出埋黎搵我
佢都算係咁見我喉沙沙又買杯雪梨汁比我
佢地係我度HEA等到我收工一齊去食飯
有佢地係度嘈住晒我D時間過得特別快
依....我唔記得要比件辦個客睇
所以我就打發佢2個走去搵位先

唉...我又比個客咋形喇
好慘!
間死人廠超唔店
成日失蹤搵唔到人
要快D換廠先得

同佢地食完飯
吹左一陣水
黃健文話打算出年結婚喎
嘩!都好既!都要架!佢女朋友做老婆真係唔錯!
HAHA
不過到時佢請飲佢就慘喇

day off

今日放假…但都好似好多嘢做咁既
有人晨咁早就出左去Present
話十一點係灣仔等早去早回喎
但十一點幾我好瞇咁發現多左嘢Hea係我隔離
依…可能我仲發緊夢
好…一齊訓！

晏晝收到件辦
點解得一件既？？
依…幫我改埋Design潻
我都唔知點同個客交代

約左晏晝五點睇牙
但四點仲係銅鑼灣陪大導演睇眼鏡
睇左幾間都買唔返佢最深愛個款眼鏡
冇辦法鬼叫佢個頭大
所以就成日大頭蝦唔見依樣唔見個樣
都唔緊要啦都用左兩年幾…底晒啦！
之後我哋差唔多六點先上到大陸
又俾啲大陸人激死
係上面徘徊兩個鐘就返香港喇
係灣仔落車是但去左間茶餐廳食晚飯
食完就坐車返屋企
見佢咁辛苦返去幫佢按摩啦！

一邊做嘢
一邊按摩
一邊睇赤壁
睇嚟有人好幸福喎

咁又一日！
但我好似扮冇嘢咁羅

快樂不知時日過

Day 8
收左佢電話線發完皮氣
原來都係唔相信佢所以會有咁既表現
的確唔好受
明明想好好地話佢知我掛住佢
後來變成咁
就算我好攰都冇辦法訓著
太多掛慮喇
發左個Email俾佢希望佢明白我既感受
一切再重頭嚟過講就容易
又差唔多到朝頭早先訓著
今日又遲到
今日時間過話快唔快話慢唔慢
生意都唔錯
去到八九點謝家慶嚟搵我
買左碗熱龜靈膏俾我
我口沙食左真係好好多
佢係我度又是但買左幾件衫
講講下等等下我又收工
我叫佢陪我買衫
點知睇睇下唔見左佢
以為佢走左
原來佢去左試褲
最後佢買左兩條女裝褲
我又一樣買左兩條短褲
嘩好平吖全部加埋都係$9xx
無啦啦又俾多張Vip我
咁攪笑既…真開心
買完陪我去食Mc當當
食完講完已經十二點幾喇

另一邊廂
有人話佢今日九點左右返香港
但我返到屋企差唔多一點都未見佢打黎
又失蹤
跟著成兩點幾先返到黎
解釋左一輪
我都係個句…“哦！係咩！”
每次講嘢都有出入
你估今次我又信唔信？
唉我都冇嘢好講
費時羅黎嘈交
只覺得人既習慣好難改變
不嬲慣左係咁
咁我又可以做咩吖

if u need me

對唔住，我心情真係唔係咁好
因為之前發生太多事我已經冇哂信心
所以頭先對你講啲咁既說話
我唔係專登要咁
成日情緒處於底落我其實好辛苦好難過
你會明白體諒我嗎？
你做嘢辛苦去到個邊又病又冇覺好訓
我體會唔到我唔知道
同樣我係香港都一樣做嘢辛苦又病又冇覺好訓你都一樣唔會知道
我無時無刻都想打個電話問候下你關心下你
有事冇事開心唔開心都想知道
可惜我只係處於被動
依家我已經唔識得分辨真偽
以往既經驗驅使我變得緊張
想要去支持另一伴時候反而有咁既結果
想離開想放棄但最尾我都係口硬心軟
所有朋友話我作賤自己
我依然都選擇留底
因為我希望唔會再信錯你
俾機會你知錯改過再次原諒你
日子又走過大半年
我身上既重擔一定會慢慢放底
但都需要一段時間去平伏
如果你仍然想要一齊既話
係需要大家一齊努力
就好似一面鏡咁
面向鏡做過啲咩
鏡入面個位同樣會受影響

Lena曾經送過一首歌俾我
同樣佢都係送俾佢自己

做人唔可以同時擁有兩個影
一舉一動無辦法可以掩飾

我對你冇乜要求只希望你好好珍惜我

to u

<

its like changing mask

Day 7

一直不停咁發惡夢

訓下醒下,訓下醒下

真正起身都12點幾羅

其實都冇咩點訓得到...超攰呀

攪攪下食埋野都2點幾

睇黎都唔夠時間去整牙

所以我決定唔去直接跟佢地一齊黎香港

不過返到鋪頭都3點9

阿黃健文仲早過我返到公司..ha

佢話見我dry所以買左枝水黎探我..pk

佢睇完個袋辦傾左陣就走左喇

新既一日又開始喇

好在今日好日子

一開始唔使講野就有訂單

有好既開始所以今日生意都唔錯

起碼我唔使咁悶先啦

到9點幾

gary,AA同阿sam都到左喇

佢地咁早到我唯有叫佢地羅位先啦

點知金水超唔店

要齊人先可以入

所以我地改左去前面間板前食算數

AA都幾得意

我大佢一個round感覺自己真係好老喇

阿sam仲大wok大佢2個round有多做得佢老豆呀

一個大人兩小朋友加一位老人家

哈哈,,,好似一家人食飯羅

食飽就返屋企喇

冇去灣仔搵fafa飲野

因為我真係好攰呀

嘩..一開門

隻豬張所有pillow拉晒落地下

仲拉埋塊羊毛落地當地毯tim...正衰仔

執野都唔記得個電話冇電tim

我立即將個電話差電

都12點幾喇應該差不多

我又唔想沖涼住喎

因為我驚佢會打黎呀

等等等....1點半

我真係好嬲好失望羅

之後留左言比佢就去沖涼

我放棄喇

講都晒氣

依d人唔使晒時間

到2點佢竟然打黎

打黎係咁解釋做過d咩....

由幾多點做到幾多點....

一大堆廢話....

我都唔知比咩反應佢好

因為我都冇野好講

心情由好因為佢而變壞

成日都係咁

長時間都係咁

我..................為咩要咁呢?

unexpected

Day 6
同樣打完日記七點先訓得著
今日又遲左二十分鐘先返到去
一如以往打電話追廠交辦
但好可惜又搵唔到人
我謂有放棄
咁啱阿健嚟搵我問下啲辦做好未
我謂有吹水話我唔記得五一勞動節大陸放假
就咁就打發佢走
佢走左我就繼續化妝叫外賣
突然收到老豆電話叫我一齊返大陸
我咁啱要返去覆診
所以諗都冇諗就答應佢
但係我成晚唔返去隻豬會唔會餓死左呢？
我立即打俾個妹黎我度羅鎖匙
叫佢幫我返屋企放隻豬出黎
為免麻煩我專登落街去配多條鎖匙嘩成四十蚊羅
返上去見到一個好熟面口既人係對面舖望下望下
我冇理佢繼續睇書
突然佢行過嚟
我望真啲原來係我一個好估怪既舊客
依個世界真係細
原來佢係Tammy既教友
今日佢哋去探Tammy
去到先知原來係識既
話說點解我認得佢呢？
就係因為開張個期佢嚟過兩次
第一次佢因為冇Cash但我個陣未有Visa，所以我要佢買多啲先俾佢去第二度用Visa,但後尾都係買左一件俾Cash我就算，之後仲問左我一大堆買衫以外既問題之後就想羅我電話
當然我做返我本份叫佢留底佢Email幫佢Mark record打發佢走
第二日佢又黎過
佢利害到係我門口由二點等到我三點返嚟
未開門就有生意我點會唔記得佢吖！
當然今日佢都唔會放過機會是但買左兩件衫又問我攞Msn羅
但我見佢係Tammy朋友就冇所謂啦
反正仲放便我Call客

講返我阿妹真唔店
加連威路道都唔知係邊，唉！
攪攪下都八點幾
突然Gary同阿Sam出現係我面前
都好生意唔好佢哋係度當然好好多啦
佢哋又好似平時咁陪我吹水到收工

我放工係火車站等佢哋
點知最尾車去羅湖係十一點羅
我哋唯有坐的士去童軍總會坐車
哈原來係個邊坐車唔使半個鐘就到黃岡又平喎
去到個度又發生啲趣事
就係眼皮押飲管喇
哈，話說我一邊底頭食嘢
掛住笑一抬頭隻左眼就鉤住枝飲管喇
好奇怪但一啲都唔痛羅
如果失業我諗我可以去表演賺錢吖

按摩按到四點
我就走返過去佢哋度訓
最後我都係等唔到佢電話
唔知佢又攪乜嘢