odd me out

Day 4
等唔到電話
心情差到極點
由返到屋企開始不停試打吓會唔會打通電話
可惜接駁到留言信箱
唯有開著廳電腦等佢留言
幻想佢又會唔會好似上年咁同緊人玩緊唔想我搵到佢阻住佢？
定係因為某啲原因而唔放便打返嚟搵我？
同時心入面諗起好多唔開心既畫面
到三四點開始想得太多
令到自己愈來愈唔開心
覺得自己好孤獨好無用
點解好地地要將自己變成咁
然後發左個訊息俾佢
眼淚跟著不斷流
好想好想消失係依個冇嘢留戀既世界
做人真係好攰
由細到大都唔快樂
我真傻
因為怕自己訓著睇唔到佢Send嚟既訊息
所以關左外面既電腦
開著自己手提既Msn
放係身邊一定聽到Send嚟既聲
可惜傳嚟既係識左十幾年加拿大既朋友
一直到朝頭早七八點先訓著
到十點左右又收到Msg
以為有驚喜可能會係佢
但又落空一場
一路醒下訓下
又到三點返工
就因為整晚都開著Msn
個電話返到舖頭已經冇曬電喇
我又怕佢會打嚟
我將緊餘既電飛線到舖頭
每當電話響就立即接過電話
因為我等緊佢打嚟俾我
可惜又係失望
打黎個個永遠都係黃健文
都好有佢講笑我聽起碼心情都好返啲啲啦
今日對面終於開門
雖然生意一樣好差
但有Tammy陪我時間過得快啲
到九點幾Gary又嚟搵我
一路講一路講又十點半
我見佢未走就請佢食宵夜
順便可以陪我食晚飯
依個星期佢都算係咁
雖然我大佢一大節
但佢都幾成熟可以同佢講到心事
不過可能係自己太孤獨
其實是但搵個人都做到我聆聽對象
起碼佢哋俾阿啤會有反應先啦
返到屋企立即將電話差電同開電腦
成十二點幾一點喇
都係冇音訊
算喇我放棄喇
阿啤仲係門口賴尿
激死我喇
拖拖下地電話又響起
今次響起既係佢專用聆聽
佢終於打嚟喇
佢話因為係車上面收唔到電話
要到拉薩電話先收到
所以到酒店先打俾我

我其實有冇相信呢？
不過我都係間聽完就算
淨係嗲佢講佢知我掛住佢夜晚訓唔到仲喊潻

我就係咁傻
一旦愛一個人
就會愛得好徹底
將自己所有俾曬對方
就算對方傷害自己有幾深
都一樣唔會變