一個人的精彩

從未試過去旅行前會覺得咁唔開心
感覺就好似一個孤兒要去一處好遠好遠又唔熟悉既地方尋親一樣
明知道去到個度一定無功而回
因為佢好清楚依個世界上根本就冇依個人存在
只係俾個借口自己放低段心事俾自己舒服啲
明知過後又要回到現實世界面對現實
但偏偏係要矇騙自己

今日我又做錯一件蠢事
我就係咁好多時都克制唔到自己
有必要將一千萬世紀既事
當作新發現？新話題嗎？
好在突然醒覺叫自己收聲
其實應該收埋得我一個知係最好既選擇
因為我可以食粒藥訓醒覺等第二朝自然冇事
一個人唔開心總好過令到身邊既人一齊唔開心
就連一點一滴都唔好提
知道左咁又點姐？
只會令三個人一齊唔開心…
既然係咁不如唔知好過啦

依方面我真係要慢慢學習
只要唔接觸，唔回應，唔再問，唔再諗…
相信咁樣大家既日子會變得更簡單更快樂