My Words

總是全力以赴
保持日復一日的溫度
多少有幫助
繞過愛你的路 就讓回憶模糊
關上車窗再加速
需要的 我比你清楚

如果你愛著我 而我也愛著你
結果還是有段 跨不過的距離
這時離開 還依然美麗
如果說 我愛著你 而你卻比較愛自己
我想那就不是我的問題
那不過是 現代人的愛情

[如果你愛我]

一個人的精彩

從未試過去旅行前會覺得咁唔開心
感覺就好似一個孤兒要去一處好遠好遠又唔熟悉既地方尋親一樣
明知道去到個度一定無功而回
因為佢好清楚依個世界上根本就冇依個人存在
只係俾個借口自己放低段心事俾自己舒服啲
明知過後又要回到現實世界面對現實
但偏偏係要矇騙自己

今日我又做錯一件蠢事
我就係咁好多時都克制唔到自己
有必要將一千萬世紀既事
當作新發現？新話題嗎？
好在突然醒覺叫自己收聲
其實應該收埋得我一個知係最好既選擇
因為我可以食粒藥訓醒覺等第二朝自然冇事
一個人唔開心總好過令到身邊既人一齊唔開心
就連一點一滴都唔好提
知道左咁又點姐？
只會令三個人一齊唔開心…
既然係咁不如唔知好過啦

依方面我真係要慢慢學習
只要唔接觸，唔回應，唔再問，唔再諗…
相信咁樣大家既日子會變得更簡單更快樂

報復

一偏回應
一段文字
一首歌曲
一張心聲
你是誰，我是誰？
我只能說對不起…我做錯了吧！
還要我更難過嗎？
有必要嗎？
太恐怖了吧！

A song fm lena

The day without happiness trip

家姐終於忍唔住問我
“你同是但你係咪分開左？”
我二話不說諗都唔使諗答佢
“yes!分左手好耐啦！”
佢見我寫住依個trip又問
“去邊度玩吖？”
我知佢再會問乜所以好快就答佢
“一個人跟團去六日張家界三千蚊好平咋…型仔呢？”
估唔到佢竟然講
“吓…一個女仔去好危險喎！冇人陪你去咩？”
佢咁問係咪叫關心我吖？我謂有答
“唔係…有人想去不過冇錢姐！”
誓估唔到佢講
“我借錢俾佢去羅！”
佢仲打俾佢問佢去唔去…天吖！
我心諗“點解對佢咁好架？又唔見你俾錢我去？”
仲要講“你出糧俾返一半我啦！”
吓…？咁姐係我俾晒啦！頂！

唉…
究竟佢關心緊邊個呢？
佢做緊好事定壞事呢？

我只好回答“是但你…”

一個多餘的問題

依刻自己仲係會在意某某既感受嗎？
依個問題我不斷重複問自己係咪多餘…

其實答案原來好簡單
只不過係愛同唔愛既表現
同埋在乎我心地好定唔好
所以我諗應該係多餘

愛又點姐？因為都係多餘…
而倒轉嚟睇又會唔同嗎？結果都係多餘…
擔心其他人感受？係人地立場我更多餘

更何況…
某某已經唔愛我
某某已經向我報左復

只怪我自己太笨失去理智…做太多多餘既事喇！

哈…的確好難受

好同事

雖然我工作上際遇唔係咁好
但每每都俾我識到一班好同事
不過奇怪在依班同事點解個個都係癲癲地既呢？
G2就俾佢哋既行為…笑死
CNA就俾佢哋既攪笑…笑死
但最相似既係雖然唔係識左好耐
佢哋都好關心對我好好既
真係dor sign！^3^

謊言

我自覺討厭
因為變得自私
情願不甘心
都不肯接受面對

口說…不是
內心…到底是這樣麼？
話…沒有
事實…是否沒有？

無止境的猜疑…
不斷重複的傷害

我跟他跟他
快樂嗎？
他跟他跟我
已離開我喇！

只因我跟你跟他也說謊了吧

GOODBYE MY LOVE

同你傾完計其實舒服多喇，我都明白…
只係我平時唔習慣同你講真心既說話，同暫時唔慣冇你既日子…
依家正正式式分開先敢講你知
一路以來我都忍受住你之前同我一齊個陣，身邊所出現既女性朋友問題，實在好困擾！就算你冇發生咩嘢都好，就因為你冇一早講我知，而咁喏每一次都係我無意中發現或亂諗問起先講真話，但你又繼續覺得冇必要講覺得自己冇問題，所以我根本無可能唔會覺得冇嘢，可能就係咁我因為依啲事而成日唔開心唔再信你
而我既問題又令你唔開心，我知都係因為我好朋友
就因為我太習慣同佢既生活，有事無事每一樣我都會同佢講，而且佢太了解我就算我唔講佢都知道我想點，不竟我哋相處左十年…但希望你清楚我哋既關係就好似兄弟姊妹一樣，大家所有習慣都一清二楚有咩講咩…雖然感覺舒服啲，但並唔表示我愛邊個多啲就想講俾邊個知
依家只係想過一啲簡單無憂無慮，健健康康既生活
至於我哋既關係就隨緣啦，日後一齊唔一齊都好，我都唔希望因為咁要刻意避開大家！

大家能夠遇上係一個奇蹟
能夠相愛過係我哋既緣份
開心唔開心已經係過去

羅羅亂

不斷行街左睇右睇
都係為左一頂伸士帽
依間試下個間試下
一係唔喏，一係就冇貨
點都買唔到一頂合適既
激氣…
睇睇吓竟然買左一大對唔係帽既物體返屋企

今日金句：
心情唔暢快，洗錢洗得特別快