行喇行喇

今日一早就帶阿啤去行街街
我哋出發之前就足足呆等大豬成半個鐘有多
又話十五分鐘...
唔知係咪隻豬仔心急定真係識聽呢
佢大概十五分鐘就會衝入書房一次
我諗如果佢識講嘢一定會係
"行得未吖...夠鐘喇"
佢幫我做埋我要做既嘢真係勁攪笑

我哋一家今朝去左灣仔海濱公園
嘩...肯定豬仔係好開心羅
因為佢跑跑下開心到係咁賴屎（'～'）激死
沿途都有好多朋友仔
但係佢就有啲怪羅
佢係想同人玩多過想同狗玩羅

玩左差唔多成個鐘
我哋都熱死左
返到屋企樓下佢仲要行一生第一條樓梯
嘩嘩嘩...佢竟然識行喎

好感動吖
事實證明我隻豬唔係弱智架！