又一日

依幾日唔知仲乜鬼
DAYDAY都發惡夢
人地發依啲夢會嚇醒架麻
但點解我會唔醒既？真係怪！
好…算…繼續“痕”！

到終於“痕”醒個陣
原來都仲係十一點咋喎
學主人話齋
“冇理由，咁懶痕，平時係可以痕到二三點架！”
究竟咩事呢？
好…算…繼續碌！

咁早做咩好呢？
上網？睇電視？睇書？
吖…我知喇！…就拖地啦！
拖到咁上下功夫panda就到喇
佢就勁啦…飲酒飲到爆菠蘿蓋
姐係咁用佢嚟踢人個鼻
原來個鼻係唔會爆架
反而對腳會爆羅
同埋發現如果一個人放病假放多過一個月
個位病人就會變大左一陪架喇
所以我就再次鼓勵佢
“小心中風”
“你有着數，因為實你死先，所以你唔使做白金俾我”

就咁又浪費左一個下晝
之但係主人一定知我好得閒
由我起身個刻
不斷打電話嚟
“你可唔可以……”
“唔該你幫我……”
REPEAT N REPEAT
好…算…我要wii game

好…嘢…主人真係買俾我
嘩嘩嘩！
自己同自己玩左一陣
就用左我二千幾卡路里
仲玩到成身汗
點曬…
諗住抖抖…點知
少爺無啦啦賴屎
仲係我張氈度賴尿
佢既行為激死左主人
而我就當然繼續罷工啦

些佘

話說有一位好出色既女管家
因為有病所以從星期一起就冇返工喇
自從知道有病個日開始
不論同事或親朋戚友都好
佢哋都好關心女管家

以佢估計最辛苦個個應該係主人喇
主人本來就係要俾人服侍
依家女管家要罷工
仲要主人照顧返佢轉頭帶佢去急症室
雖然唔可以講得上話照顧既
但有主人係度點都會安心啲

星期六個日主人好慘架
做嘢已經辛苦到爆
仲要陪佢半夜等四個鐘睇醫生
第二朝一早又要再去醫院
晏晝諗住可以同埋少爺一齊游下水
點知女管家臨時要照顧小女皇
所以佢都冇機會同主人佢哋玩
只係到夜晚主人帶左女管家去睇奪寶奇兵
之後再去不見不散食飯
而少爺食沙都食得好飽羅



而星期日
女管家又要去管家聯會燒烤同樂日
所以佢又服侍唔到主人喇…
個晚佢又肚痛喇
仲要主人落樓下接佢返屋企tim
悽涼....


星期一個日
主人由朝早開始
整個上晝晏晝
不停打俾女管家…做咩？

“仲快啲去睇醫生”
“依家立即入院啦”
（repeat n repeat）
乜女管家趕住生仔咩？


不過佢都知主人好擔心架喇
所以呢…佢話要“些佘…是旦你”

Gift

本來一心去灣仔買iphone

點知買左依隻野返去




大家請留意個隻野心口寫咩
yeah!多謝主人!yeah

痛

我既人生好似同病永遠都分唔開
就算依一秒鐘
我可以坦白同你講
其實我個肚痛得好緊要
旁人見唔會察覺到
我可以話我對病既忍痛能力係非常之高
相反我對精神上既接受度忍痛度就剛巧相反
但兩者加埋上嚟你估我又涯唔涯得到呢？

shock左

五月二十二日
朝頭早心情好到不得了，因為未到奧運就去左北京即大豬今晚返嚟喇:-)
未到晏晝就已經做曬所有嘢個刻勁開心，因為我從來都未試過冇嘢做:-P
但LUNCH之後就一切都唔同曬
不論工作上定係身體上都一樣衰到貼地

過度期

不知不覺他快要回來我身邊
每天早上的問候
每一日傳來的短訊
每一晚對誰的掛念
相隔兩地的日子似是很久
但跟我上一次出差相比
的而且確已經比較優待
很難想像他那時會否跟我現在一樣嗎

所有時間用於忙碌工作
生病時自己照顧自己
回家還是對著電腦
沒有回應的對話

還好有他作伴
雖則他鼻鼾大得很
每天我還是要邀請他陪伴

哈哈！
豬仔你可以乖巧點嗎？

Home Alone

從尋日朝頭早離開屋企門口開始
就已經唔習慣喇!


發覺原來"豬"已經成為我生活一部份
當"豬"係度個陣又唔會有咩特別
但是旦一隻唔係身邊個時就會好唔自在

依家就算有豬仔係度陪我都覺得唔足夠
可能...或者...我估...應該係......
時間既問題?
人既問題?
環境既問題?
心態既問題?


好彩依家日日都收工收好夜
已經冇咩時間諗D無謂野
有時間都用黎令自己開心下好過啦

好似今日咁

日頭
就已經係公司比D同事笑死
吉媽媽冇啦啦話要請救四川災民
我開頭以為佢講笑
點知真係真既
我地就咁每人俾十幾廿蚊佢攞去振災
行行下吉媽媽攬住女女係條馬路度"un"喎..kakaka
食飽就連群結隊咁去睇女人野
睇到差唔多3點先返去

夜晚
就同老豆,阿叔,sandy食飯
嘩.....我都好耐冇見佢地羅
阿叔話我肥左...(早幾日大豬都係咁講)
咁點算呀?
食飯個陣比sandy笑死
一黎就同我講
"我好嗱耐冇講粗口"
"同你地一齊好free因為可以講返粗口"
個刻我都有D認同..hahaha

零晨
用WEB CAM同大豬MSN
雖然聽唔到講唔到
但見到已經好開心喇
而細個隻就...................咬電線啦
"WEAR"牆啦
咬尿片啦
總之就勞氣呀
幾想立刻叫DHL幫我速遞佢去北京


今晚唔知會唔會訓得著呢?
死啦仲咁多日......咁點計算好呢?

喜帖

就係依張野......

攪到我要成三點先訓

已經冇時間做自己D野

都就黎死架啦

仲要我改依樣個樣

幫佢做依樣個樣

天呀....

點解我家姐咁煩架!!

C'est La Vie

Ne laisse pas le temps te décevoir
ll ne peut être conquis
Dans la tristesse dans la douleur
Aujourd'hui, demain
Au fil du temps Le temps C'est La Vie

别因为时间而感到沮丧
它是永远无法被征服的
不管是在悲伤里 在痛苦中
今天 明天 年复一年
时间它头也不回地往前走
它就是人生

歌唱表演

每一次去到個一段音樂,佢就忍唔住要唱返句

A DAY

做嘢已經辛苦
但食左藥加超眼瞓
再要繼續做嘢
隻腳又勁痛喎
想快啲做完手頭上既嘢
但力不從心
個一刻無奈之餘仲好忟憎

感動

又一次證明, 他不是白痴仔......哈哈哈哈!

Family "Pig"

WE a so Tired

DOOR SIGH…多謝哂…

好男友在晚上十二時三十分說：
你眼瞓嗎？
我呢仲有少少嘢要返上環攪吖…
今晚天文台話有流星雨
可以揸車去萬宜水庫度睇
我好快做好四十五分鐘就得架喇

一個半小時後
好男友說：
你訓未吖？
我好快做好架喇
大概做多十分鐘到

半小時過後
好男友的女友在此說：
DOOR SIGH LAW

累

可以解說唔同既意思

佢可以解說為儲存左一定數量的意思

又或者用嚟做一個形容詞
可以形容一個人疲倦既精神狀態

而對我嚟講
依個字既解釋應該係
量詞因為某種原因
所以變成左個形容詞

還好嗎？

唔知幾時開始
我好似已經習慣左
可能對人會係一件好事

但當細心諗下其實一啲都無好處
咁樣只不過同以前咁多年一樣

事實上真係無時間去同任何人大吵大鬧
諗返轉頭的確恐怖
無聲無色
唔知自己做錯啲乜
話走就走

我又會諗走左之後
佢又會一直繼續同我行埋落去咩？
我真係唔知道
處境就好似十七歲咁迷惘

定係我太過恢心呢？

行喇行喇

今日一早就帶阿啤去行街街
我哋出發之前就足足呆等大豬成半個鐘有多
又話十五分鐘...
唔知係咪隻豬仔心急定真係識聽呢
佢大概十五分鐘就會衝入書房一次
我諗如果佢識講嘢一定會係
"行得未吖...夠鐘喇"
佢幫我做埋我要做既嘢真係勁攪笑

我哋一家今朝去左灣仔海濱公園
嘩...肯定豬仔係好開心羅
因為佢跑跑下開心到係咁賴屎（'～'）激死
沿途都有好多朋友仔
但係佢就有啲怪羅
佢係想同人玩多過想同狗玩羅

玩左差唔多成個鐘
我哋都熱死左
返到屋企樓下佢仲要行一生第一條樓梯
嘩嘩嘩...佢竟然識行喎

好感動吖
事實證明我隻豬唔係弱智架！

又過了一個月！

話咁快就五月喇
我已經唔記得我上一次寫blog係幾時lu
話時話四月份都應該有好多嘢要記底
同埋其實依個月份都幾開心
就好似上年既四月一樣
不過好可惜我就係冇時間
將所有做過發生過既事寫係依度
我亦知道有人成日會開黎睇下我有冇新post ;-)
對唔住羅...我都唔想架
依家謂有我記得幾多就寫幾多啦！

話說係月頭因為依件事所以導致我冇哂時間...見工！

我依一秒鐘既心聲"縱橫二千，還我自由"

另一方面係個日見完工之後...買車！

我只可以話個車住其實好憎部車羅
市值十萬既車佢可以七折咁滯賣俾人

買個個仲攪笑未俾錢就羅左人地條車匙
有人多左個仔之後俾我真正体驗到咩叫做忘我吖！
姐係呢...
條街得佢一個行架羅
過隧道收費站唔多車個條唔排羅
打燈過線過完繼續打羅
死火唔會知，冇死火就撻匙個啲羅
幫個仔影相都好正常，但用photoshop改行左幾多公里我第一次見羅

本身應該係嚇死，但已經俾佢笑死左喇

至於大仔...
佢緊排轉左新style吖

成個Macdonna咁吖...店哂！
人地啲狗見到狗帶開心到癲左
但佢就會驚到癲左羅
落街死都唔行仲要賴死
天吖...！

月中同好朋友家姐慶祝生日
但一個星期之後收到個消息
話佢家姐個子宮有腫瘤
一共做左四個手術
好在依家冇事喇！

月尾我一位同學加好朋友結婚喇
我睇住換完一個又一個男朋友
依家睇住佢簽紙嫁人
真係好鬼感動

至於我自己呢...
係依個月真係忙得好緊要
連一日好想煮飯既時間都冇
所以豬仔好可憐冇人同佢玩
而大豬更加唔使講啦！
我已經冇時間訓架喇
但我訓張床既時間仲多過佢

算啦…我要訓喇聽
得返四個鐘頭可以訓咋