nice song

ＹｒＲｏｓ

是否要等到離別一刻才找到答案？
但為什麼要在這個時候才感受到愛？
你無意間的出現，把我原本平淡的生活改變．
請求〔愛護，愛惜〕，
原本只會在他身上出現，但不知道何時這些東西不見了？
諒解我的他，不斷縱容我去任性 ，使我心更痛．
我不知不覺地會將你跟他作比較，
不知道為什麼常常會幻想把你變作他．哈！根本沒可能！
去或留？
愛不愛？
你跟他？我要的是什麼？其實一早已經有了答案！

於8月30日訓死左

一起身身,

張開眼個刻仲以為已經12點幾一點添,

原來個陣係9點幾,

見咁早就再訓下先!

到10點幾再張開眼,

發現應該唔係度既野仲係度喎,

我冇理佢一直再繼續發我既夢.


係半夢半醒既情況下,

我聽到好似話2點左右又會見,

但實質我個刻其實都係瞇!

因為可能尋日實在好攰,

加上又有少少頭痛唔舒服,

總之就成個人都好似唔係自己咁啦.......想轉身都有d難度!



就咁我一訓訓到差唔多2點,

起身就出左去time square個邊開返個電話.

都唔明d人點做野架,

交d又唔交d.......

哎!咁咪cut左羅!

罷明玩我啦!



不過好神奇,

但其實都唔係第一次,

之前都發生個好幾次,

不過我冇講出黎.........依d係咪叫心靈相通呢?

多謝晒喎

今日晏晝做做下野.

托生打黎:
喂!出黎食sushi呀!去板前呀!

姐係咁其實佢係想打黎問我:
"你個女朋友仔今個星期日一唔一齊去玩wakeboard姐?"

而我又剛剛係銅鑼灣,
唉...見佢咁有誠意就同佢食羅!

實情就冇諗住叫佢請食飯架喎.
講下咋ma!
佢好衰唔衰話自己今日玩股票賺到幾個臭錢喎!
同埋佢話今日難得月蝕,
就請我食飯羅......

真係多謝晒!!!!haha!!!!

充實的一天 - 8月26日 -星期日 (晴天 ps.好曬)

星期日都要好早起身,
嘩!......六點呀.好想死!
不過冇計啦!
鬼叫阿托佛士先生book隻船book7:45am咩!
係一個好唔願意起身既情況下,
就係咁六點半就出左門口喇!

首先真係要比個"好"字比阿托生呀!
因為佢一早就老點我去銅鑼灣坐車入西貢.
等我仲坐的士過去,原來咁早冇車架喎.
之後謂有坐地鐵去彩虹轉van仔啦.
正當我坐車坐到目的地個陣,
阿托生竟然係個電話度同我講"哎呀!你應該坐去坑口啊,快好多架!"
我係個一刻我只覺得.................!頂!

就係咁我就on下on下咁去到西貢碼頭喇!
係喎..入去做咩呢?

話說星期六起身冇耐落街食野+睇樓.
是但講講下就係咁行左去一個玩室內slowboard既地方度.
起初都諗住玩下既,因為諗住係香港學識左遲下咪可以去第2度旅行滑雪羅.
點知...............
一睇個價錢 -_-"
一個人要三百幾蚊一個鐘羅.......勁貴!
依d野最慘你唔知要學幾耐架ma.
我依d又天份好高既,haha
完全唔合乎經濟原則喎..

所以我同是但講showboard同wakeboard差唔多姐.
但我玩wakeboard玩幾個鍾都係差唔多錢咋播.
而且阿托生之前問過下我有冇興趣一齊玩,
so就係咁我地一齊玩羅!

hehe...不過我好叻呀..
玩左一陣就ok喇.
但都係玩到樣衰衰咁!haha
仲比人影左相tim...唉~
短短3個鐘係隻小船入面,
有好多勁開心既時候,
差d笑死我喎!
因為阿托生d朋友真係好底死.
你點睇佢都唔似一名律師羅.
哎.....一諗起我又想大笑喇!唔講喇!

玩完之後我地就一齊食晏,
之後我,是但再去半月灣游水曬下太陽羅.
不過真係好攰羅,
入左去冇耐就返屋企喇.

係屋企hea左一陣+訓左一陣,
6點幾又出去睇無恐不入喇.
睇完都係8點多d,
所以是但買左d野返去整黎食........

8月26日----------------好攰呀!

新生活

唔記得係今個月邊一日,
我曾經想過要從新過一個新生活.
之前預計係今年12月中,
但估唔到依一日比想像中快左好多到.
好似一切都好突然,
但又好似一早被人安排好左咁.

一轉眼就過左接近半年.......
時間過得好快,
幾個月時間就好似過左幾日,
上個月發生既事就好似尋日發生咁.

依半年黎
迷茫既日子好似用過左我好多時間,
而清醒既時間數埋有機會少過一星期,
唔係分分鐘可能得一日......

新生活,
可能有人覺得係一件好事,
但有人又可以覺得未必係好事.
人總係自私既.
當你知道新生活會有咩出現有咩消失,
當然唔同人有唔同睇法啦!

離開之後會係點?
我都唔知架......
半個月時間既結果會係?
好? or 壞?
好的話: 我會長時間留係個邊生活
壞的話: 到時再算啦

張嘉樂

好似好似......hahahahaha......笑死我啦......

日出

8月5日

清晨4點鐘,唔知發生咩事.
冇啦啦比人帶左出門口.
仲咩?.....咪叫我陪佢拍日出羅.
就係咁就坐taxi上山頂喇.

去到山頂原來仲要行二十分鐘既路先到佢想去既地方.
哎呀!我好蠢呀!點解我會彩佢架?
個日係今年黎過得最有益身心既一日.

5點到去到個度一直企一直等到7點.
真可惜...因為個日天氣唔好.
所以影唔到D好靚既日出相.
但有一刻佢行返出去買早餐個陣,
我見到個天有一道光照落個海度.
D光仲要係剛剛係會展個度....好靚.

8月4日

好耐冇游船河羅..

而我又冇訓過咁滯
係西環出發去銅鑼灣上船.

起初我只係諗住晒一陣
聽下歌,睇下書,傾下計.
優優閒閒咁過喎.
實在太過優閒完全冇留意個太陽係頭頂羅.
就係咁燒焦左喇!

8月4日係25年黎曬得最黑既一次.
之後個幾日就慘羅!痛死呀!

游山玩水後,
我本身要去西環同屋企人食飯.
但係有人竟然買左8點幾既不能說的秘密.
好無奈!
我只好唔食飯去睇周杰倫.
不過出發之前有d意想不到既事發生左.
冇諗過會係咁冇諗過後果,
我如常咁去銅鑼灣, 就好似咩事都冇咁!
點解會咁既?

底B

為左準備一件好重要既事,
尋日成三十幾度我都出左深水埗搵料.
行左唔係好耐都已經溶左!
係個熱辣辣既鐵皮屋入面,
一邊搵,一邊流汗!
一邊睇,一邊抺汗!
真係熱死我喇.........

攪店晒D野之後,
我就行下行下行左去鴨記睇野.
本來諗入住睇下有冇是旦想要個D古老茶餐廳鐘.
點知我睇下睇下竟然買左個omega波波古董鐘.
因為勁靚,所以我決定買.
大家估下個鐘要幾$?

老闆:依個呀! $380啦!
我: 吓!咁貴!
老闆:咁你想幾$要呀?
我: 人地前面開價大都係$280咋喎!
老闆: 咁$250比你喇!
我: 唔制!你平D啦!我有心買架!
老闆: 咁你想幾$先?
我: $160
老闆: $200喇!
我: 唔好啦!$160啦!
老闆: 唉!$180........冇喇冇喇!
我: 唔好啦!$160啦!唔好差$20啦!
老闆: 唉...怕左你$170......一人行一步喇!
我: 吓!
老闆: 有個好靚既盒比你架$170啦!

就係咁我$170買左喇!

難忘的一刻

某一天的星期六

我坐在電車中看見對面的一對老人家

他們給我的感覺很恩愛

從他們身上看見了

我希望擁有的幸福

我想要擁有的快樂

過去.........已成回憶

<

藥

最近一直醫生比我既新藥.
食左雖然唔會肚痛,
但係就有好多問題出現.

最令我覺得煩既係...
食左之後成個人d心情好差.
成日都會冇啦啦發皮氣.
好容易因為d少少事而覺得好煩.

仲有就係我d皮膚差得好緊要羅.
從未試過會咁架!

所以我決定,
如果冇咩必要,
我唔會再食羅!

"是但"畫的天使

公立醫院

我今日又痛喇.
一早起身已經發覺今之真係唔得喇.
我依一次真係時候要去睇急症喇!!!

雖則要睇,我都諗左好耐入邊間好呢?
因為想當年我入過仁濟睇過急症,
但係d醫生真係好黃綠.......
最後我都間左去廣華睇.

分流完,都等左成個鐘先見醫生.
不過睇我個個醫生睇佢個樣好似剛剛做醫生咁(見習個隻)
但係佢都算係醫生黎講叫幾靚仔^o^..haha
好在佢都幾好都唔係是旦睇下就叫我走..
佢都有幫我檢查下既....(但係真係個種身體檢查羅)
但又唔知點解又唔係點覺得檻介喎.
只係覺得唔舒服羅.

就係咁攪下攪下都攪左2個鐘有多.
藥又冇咩比到我喇...
只係估估下咁就轉介我去婦科羅.
大家估下排政府轉科要幾耐呀?

登登登登....(我個個係快期)
the answer is 2008年1月!!!!!!!
~>_<~
係咪好得人驚呢!!
最後個醫生只係講左一句:
你有冇$呀...不如你去睇私家醫院啦!

haha...死未!

生病了

我的身體一向都不好.

自從在日本回來之後,
發覺我的肚子經常痛.

感覺像胃痛,
但又不是胃痛.

每一天起床沒多久就會痛,
每一次吃完飯後隔半小時就會開始痛.

這星期痛得更加利害,
吃飯中途就已經很痛了.

當然我有去看醫生啊......
但我發現醫生不像醫生.....

我看過好幾個醫生,
但他們都是給我胃藥或止痛藥罷了.....
有的更什麼藥都沒有~>_<~

現在是時候去做全身健康檢查了.
唉.....或許我可能患了什麼什麼奇怪病啊!

GEARS OF WAR

最近一咪埋眼就會見到以下既畫面.

死喇...中左病毒呀!

幸運

我真幸運,
因為我有一班好友.
雖然相識短暫,
但感覺就像知己一樣.

他們在我最困惑的時候出現,
他們在我最沒有方向的時候給我方向,
他們在我最無助的時候出手幫助,
他們是我的良朋知己.

看似什麼都沒有時,
原來擁有的其實是很多.

人生就是這樣,
不知道將來會發生什麼事.
但我知道今天我還有你們在我身邊已然足夠了!

多謝托佛氏

29 June
幸福與快樂

安祖林說: 我很苦腦, 幸福與快樂, 不知怎地去選擇.
托佛氏道: 幸福與快樂, 喜歡那個多些?
安祖林說: 快樂.
托佛氏道: 那便快樂吧!
安祖林說: 我怕會後悔.
托佛氏道: 那最好兩邊也不要. 你已做了一些會令自己後悔的事, 不管你選擇幸福或快樂.
安祖林說: 為什麼?
托佛氏道: 很簡單. 幸福與快樂不是兩個選擇, 而是相連的. 其實你沒有從幸福那邊真正感到幸福, 所以你オ會給快樂一個機會. 但快樂那邊你也只找到一些快樂.
安祖林說: 那我該怎辦?
托佛氏道: 學懂怎去愛自己, 才去愛別人.

2007年7月7日

今日晏晝返左MJ開會傾野之後好出奇收到一個N年都冇搵我既人.
打黎叫我食飯..

仲諗住佢咁好死記得生日TIM.
我都估到佢冇咁好死架啦...
仲問返我:"你6月生日架呵!!!"

個一刻真係想踢佢落車.

之後我地就去左TST CITYGOLF CLUB食飯羅.

不過都好佢終於有機會同我打波喇.

識左佢咁耐講左幾百次話一齊去打GOLF,

但一直都冇時間一直都冇機會.

我發覺我第一次同佢食飯講咁多正經野,

因為以往都係講廢話多,HAHA.

佢講佢女朋友D野我知我又講下自己咁,

大家都有問題所以特別投契.

最後講講下佢叫我去佢間公司度幫佢手,

不過都好既起碼做返marketing唔會悶先啦!

食完後就係手痛既時間喇!
我第一次唔著鞋打波羅
打左一個鐘隻手好痛羅
因為左右手都起晒水泡羅
可能太耐冇打所以好TIRE呀
最慘就係手痛呀MA,
痛到連洗白白都有問題呀..HAHA