2005年10月

都有大半年冇update過我的每月回顧喇..!
原來時間真係可以過得好快,月頭同月尾就好似"尋日"同"今日"咁.
半年時間可以變化好大,就好似咁...

半年前帶過朋友黎參觀公司睇下佢有冇興趣驗身同發展,但因為佢老婆反對所以佢同佢老婆都冇檢查過.佢話結婚前已經檢查過同埋冇時間發展.
半年後佢同我講佢老婆發現有肝癌.佢地剛剛結婚都冇一年,老婆得廿幾歲.醫生講佢老婆已經冇得醫好彩都有幾年命.

其實我知道之後好痛心,有內疚過點解當初自己唔堅持或者迫佢地黎呢?可能佢同佢老婆會比依家快樂幸福.

半年時間可帶走一個人既生命及另一個人既一生幸福.而我卻有機會可以改變佢地既命運.但係我當時冇做到!!

2005年9月

今個月終於有d改變,可能係又上左高階訓練掛.
之前思考過既問題都諗通左,比我更加有方向同知道我下一步應該要做d咩!

其實之前有時都想過放棄,覺得自己冇可能再堅持落去喇.
成日不停咁諗自己究竟係度做緊d咩..
個腦諗其實家姐講既野可能係喏架.
點解要做依份工..點解要咁..要咁..!
不停咁問自己,或者個排周邊發生左好多野啦.
一個月竟然去左4-5間唔同既醫院探自己既親朋戚友.
自己人竟然都會拒絕自己,到發生意外都冇人相信.
就係咁就想放棄喇!

好在有今次既訓練,又幫我加左油喇!

2005年7月

7月5日係我既生日

今年既生日好特別....因為生日竟然係公司度過.
整日都係公司做野完全都唔記得自己生日.
放工都幾多人一齊去左超人屋企玩,
今次係最多人同我一齊過生日既一年!
過左生日之後兩日又要去台灣.
我都唔記得今次去係今年第幾次.
不過今次就好唔同,因為今次表揚會自己都會上台.
第二日就同simple既partner一齊去左台中玩.
雖然個trip一般,但都幾好玩.

2005年4月

4月我諗係今年最難忘既月份

整個月都好忙,加上事業路途起起落落,

預到人情冷暖之餘又感受到團結力量!

係四月中我參加左公司首次係香港舉辦既2日領袖課程.

雖然係短短2日,但完成個course之後改變左自己非常多.

就好似"差"滿電一樣.

最后我加入左公司一個叫做圓桌武士既活動.

一開始我只係用左十日時間做到百幾萬業績.

仲要係十日入面去左3日旅行,

我仲?埋公司既一個比較高收入既職位.

肯定左自己能力,比人地另眼相看.

只要堅持...努力...相信自己...加少少唔服輸既心態...

無野係做唔到架!

baby

2005年三月

三月
3/8我又考唔到電單車牌喇...激死人!!!我仲喏喏續左學牌...唉!
個個都叫我放棄吧啦.睇黎我真係要諗諗!

今個月真係大起大落呀...!不過比我睇到咩野叫朋友-咩野叫現實!
我既工作係依短短一個月有好好既成績,
我當然開心 - 開心原因并唔係有錢,
而係我都可以感染到一班平時睇唔好我既人,
同埋我幫到其他人搵返自己既自信心同目標.

公司入面有一位台灣老師,我係佢到學到一句好心刻說話( 改變就習慣 )
因為佢講國語,所以開頭我仲以為佢講改既係"舊"習慣!!
就係依句令我改變好多, 以前既我同今日相比已經係兩個人喇!

最後我更明白靠人不如靠自己依句說話,
自己去學,自己去了解,總好過靠人.

真係高興 - 我身邊陪左我好耐既人終於改變喇!
佢地搵到佢地既目標,,,,,理想,,,,,!
雖然係遲左D, 但我總感染到佢一齊投入!

2005年二月

二月 - 我人生中第一次經營自己既事業就係咁個月開始.
一做就做左兩份事業.....講比你聽都唔信啦!係依排我成日聽到依幾句說話:

"小姐你今年幾大呀?學人攪公司?有冇錢?架 ?"
"你不如做返merchant啦,有前途D呀?"
"你D design都幾好呀,我見議你做返design好D羅 ,做你個D冇錢搵架!"
"做production有冇生意呀? 大個D你做唔做到呀 ?"

另外一份係做健康顧問, 主要係帶客人參觀公司同埋講解公司運作咁羅.
查實都唔可以話事業既, 不過真係要多勞多得羅!!
依排好忙都唔得閒返工添,下個月都唔知有冇糧出羅!!

講返二月 - 今年新年有成二千幾利士,唔知下年仲有冇呢?
過年好出奇地同左我D姑媽,阿叔阿嬸,阿哥細老,同埋林老太返左大陸玩.
嘩...!去左兩日就用晒我全部利士呀!!不過佢地都好開心!!
年初五我仲帶埋佢地都公司旅行添, 但係個日真係悶死人!!

爬山車之旅

一月十六日 - 真開心我終於可以同佢一齊玩電單車喇!!
我地一行十人一齊去左山卡啦咁遠既粉領玩爬山車.
一早9點幾就去左旺角集合,去到個度都11點喇.
就係咁由11點幾玩到差唔多7點.....
玩完成個人好似識飛咁,十分之?呀....!
仲有玩到成身泥返屋企,不過好彩我冇帶d禮物返去!
原來依樣野都幾難玩架,要用力同埋要用隻腳控制先可以轉到灣.
所以玩完打后個幾日,全身都好痛呀!

二奶命

2004年1月14日 - 今日要考電單車路試.
因為某D原因我只得半個鐘頭時間學車,之後就要考試喇.
遲左幾分鐘先去到試場,之後就開始痛苦行程.
本來行得都幾順利,但一到打8字就死喇.
個腦好似一片空白咁,諗都冇諗就衝左上去喇.
上到去個阿sir立即叫我返落黎,之後我沿途都冇理過佢自己返返去試場.
就係咁我既考試係肥左老喇..
唉!只怪自己練習唔夠......
都唔知點解我考咩都要第二次先考到....我條命真係苦呀!

2005年的第一天

元旦既夜晚我地竟然冇好似其他人咁係外面倒數!
人地去銅鑼灣時代度倒數緊個陣,我地就係銅鑼灣食緊野.
係個10 seconds時間外面係度大叫,而我就好努力咁食sushi.
哈哈!我真係好肚餓呀!

今日外面好冬只得6度,所以好正常地我又訓到4點幾喇!
正因為咁冬而我地驚冬親d小狗,所以我地就出左去旺角買部暖爐比佢地喇.
就係咁我地係watson買左部喇.......好笑既野就係而出黎
個sales同我細老講如果部機有問題,咁14日內羅返黎換啦.我就同我細老講笑喇"冬咪冬依一兩日,我地用完羅咪話部機唔暖有d問題換返錢羅!"
2日過后....新聞報導話"某某暖爐使用時流油而watsons正在回收xxx型號請市民留意!"

有時d野就係咁,講下講下就會變真!
所以大家講野個陣要慎言呀!

2004年大事回顧總結

今日已經係聖誕節,第一樣要講既係"Merry Christmas to all of you !"
記得上年依個時候我身處台北,第一次自己一個人羅住地圖去旅行.
話咁快下個星期就係2005年喇,時間真係過得好快!
所以我想係度留底我係2004年所發生既大事同埋感受,
全部一一同你地分享,希望我唔會悶親你地啦!

我係今年體會到人情冷暖.當失意既時候或者需要人幫忙既時候.你就可以睇清楚依個世界有幾現實.唔理你有幾親密,有幾好朋友,最後得來既係自討苦吃!

經過依個寶貴經驗後,我學識左咩叫虛偽.明白到只有自己先可以幫自己.靠人不如靠自己,免得日比人話"你冇我你冇今日!".

有日我聽到一句刻骨銘心既說話,有人同我講"你係乞衣..............!".就係依句更加比我感覺到要靠自己既重要性.突然我諗到我D姑媽姑姐,佢地真係可以做到依一點,仲要既係佢地只靠自己能夠做得咁成功.我真係好敬佩佢地!

另一方面,我又睇到咩叫做物以類聚!人唔努力唔上進,結果只係原地"搭"步.我唔能夠容忍到一世行平路,咁樣去行我既人生!到自己變左阿婆個陣諗返起以前,原來浪費左自己既一生.咁樣做人究竟有咩意義呢?

十二月回顧

2004年12月 - 我同佢講我返學返得好開心. 佢問我點解?我只係講左句"開心咪開心羅!" 之後佢就開始擔心喇-好鬼煩成日問長問短,都唔知佢驚咩?唉!!!!!!!!

有一日要返中心做實習,好記得我個日頭部受重傷,起因就要問超人喇!我只知道一個道理"唔專心工作帶來既係意外!"

22號個日我d同學黎我屋企"反",諗起都幾好笑!!
第一件事 - 阿jin連同2磅肥牛於大賵山失蹤.
第二件事 - 話說有人自稱識得整野食,話早d黎幫手.點知去到我屋企第一句講既係"依..白色PS2播"
第三件事 - 全班同學一齊睇jackass,佢地睇得好興奮!
第四件事 - 有人讚我d蟹好食.
第五件事 - 佢話佢冇食過蟹所以有d嬲!其實佢成日都有得食架啦!唉!男人真小氣!
第六件事 - 我d同學同我講"你男朋友塊面真係好黑,攪到我地有d驚呀!"佢點解會咁?因為我d同學全部都係男仔羅!
最後一件事 - 今日又帶多左新成員返屋企喇...佢個名叫林大雄!

平安夜個日去左銅鑼灣食聖誕餐,之後係中環到數.
聖誕節個日去左尖沙咀行左一陣,夜晚去西貢BBQ.
BOXING DAY去左做義工,去緊途中比人丙.夜晚去睇"功夫"超唔好睇!

十一月回顧

2004年11月 - 我返學喇…本身都好驚自己返第二堂就唔會再返,自己知自己事.
返學識到一班新朋友,雖然佢地都細過我,但佢地都有自己既理想.
至於我呢?我到依刻都諗唔到我想要既係D咩, 我仲未搵清楚目標!
返學比我睇到D野同埋學到好多野..我覺得我學到唔單只TECHICAL既野.
我既病已經好返,我覺得自己好似一隻係森林到既雀仔,好多同伴唔再寂寞!

十月回顧

2004年10月 - 我決定唔做野,要搵D野學下.
我將有淨既錢用左去台灣. 真係激死我!!!
佢失驚無臣兩日前話去台灣.10月1-10係黃金期,好難買機票.
我搵左好多間先有機位,酒店都好貴重要好差.
台灣影婚紗相好平同埋都影得幾好.不過原來影相好辛苦架.
由下午2點影到零晨2點幾,間直係折磨.笑都笑唔出喇!
考到車牌,買左架好難?既車.

9月回顧

2004年9月- 直至老闆請左兩個人幫我手,之後我就覺得依個世界係有幾唔公平.
我問自己做得咁辛苦為咩呢?冇人會睇到你做既野, 只會比話on 居!
9/19號終於入伙喇…好好彩我係依個月中左我人生第一次既六合彩.
一共五萬幾,但我從未羅過一分一亳.
我差唔多比左一萬蚊比林太,之後比左五千蚊林老太,其餘都係用黎買野!
買左部二千五蚊既電話比細老,買左部LCD電視係房,買左張幾千蚊既床,
買左部五點一係廳.就係咁洗左一半有多喇!

八月回顧

2004年八月- 我又返新工喇,今次真係做DESIGN.
點知後來做DESIGN個部分好少,大部分都係做MERCHANT.
我做左野2年做依份工算最辛苦,晚晚都11-12點收工.
多野做到你唔信,但好奇怪就算好辛苦我都堅持第二日都要返工.
可能冇人管住我做野同埋自由D,所以都做得開心.

七月回顧

2004年七月 - 5號係我既生日,今年生日有D特別.
正因為個日我要考貨VAN,好可惜個日個考官好賤!
特登唔比我PAST,我依世都記得佢個衰樣.
個日夜晚去左R66食飯. 我既生日就係咁過喇!
第一次揪bb感覺非常開心同好得意.本身自己有情緒問題都唔得晒喇!
參加迎新會之後上training course, D BB比我感覺唔到佢地可憐,
因為得知道當有人帶佢地返屋企個陣會好幸福快樂,可能比親生父母養大更幸福.

六月回顧

2004年六月 - 自己搵到自己想做好耐既野"義工",傻下傻下登記左做義工. 就係咁我去左MOTHER CHOICE到揪BB. 之後月中我又去台灣,今次我同MAGGIE,嘉健,阿B一共4個人去玩左4日. 返黎個日仲帶左叮噹返屋企,由個日開始又多左一個新MEMBER喇!

五月回顧

2004年五月 - 4月尾5月我又開始返去荔枝角做野喇.又唔夠一個月冇再做落去.
點解會咁?個陣病得都幾利害,返工途中係可以驚到返反屋企.
感覺到壓力好大,好唔舒服.我只能夠晚晚喊,仲要突然之間喊.
個時係冇人可以明白我感受,可以話我最痛苦既時刻.

四月回顧

2004年四月 - 係依個月開始我自己搵辦法去幫自己,我已經知道我有咩問題.
係時候需要人地幫下我,所以我去睇心理輔導,依段時間係我痛苦既開始.
終於收樓喇...4/14個日係MAGGIE生日,收到律樓打黎話廿幾號可以羅鎖匙.