result

我唔知道後果會點
只知道依個都係生命嚟
好耐之前已經錯失一次
我諗我唔會再好次上一次咁
雖然我未覺得佢會係一位好老公
但相信都會係一個好爸爸
所以都冇必要諗到談婚論嫁
係就係會辛苦啲
不過我就係唔想佢因為咁而有責任
我知道咁樣係冇意思架
日子耐左咪又係同一收場
倒不如安安樂樂各自各
當然我都希望簡簡單單相夫孝子
但見得太多嚇驚我喇
更何況佢一早冇意思
而我係佢身上都未揾到安全感

唉～

不知沒覺

已一個多月
心一直疑惑
如果不是他說起
我根本也不想提及
因為這種狀況已不是初遇

沒有－還好
有了－只歎不合時宜
到頭來都是自己面對
算吧…我總有打算

入院在即
心情難免忐忑不安
不想不想
還是知易行難
偷想……
假若為人父母會是什麼味道？
再想……
實際上根本沒可能吧！

日子過

今天已是七月三十日
時間總是過得快
二零零八年也走了一大半
我試著回顧這麼多日子以來過得好嗎？
沒錯…的確相比上一年過得快樂
幸福也來臨

雖然身體變差了
有時的確身心疲累
幸好還可抱抱家豬
跟一大一小過日子
他會頑皮咬東咬西
而他會做過不停
看他…看他…
眼火紅紅霧煙了吧！
哈…形勢不對
他跟他同用一樣的絕招
“撒賴同咋死”？
不對…是比此更上一層樓
果然兩師徒…不錯！

與此同時
逗我歡喜也是他們生活的一部分
閒時想起…

小的“食嘢唔抹咀”
大的“食嘢唔俾錢”
小的扮貓叫
大的扮狗吠

就這些小事
叫我怎能不快樂呢？

感冒

又生病了
整天頭痛得很
原本安排中午見工都要取消
睡了十多小時
餓喇…還在痛
身無分文
只好出外走走
想起很久沒有在家吃飯
所以就把菜都帶回家
對了…生病怎做菜呢
哈…就他吧！

相愛很難

吵架
有用嗎？
哭哭啼啼過後
沒事嗎？
再來真情告白
會明白嗎？
擁抱說過對不起
就能忘記嗎？

戲言

想不到隨便說說

根本沒證沒據
卻換來真相
這已經好幾偏了
只是一直沒聽見答案吧

沒什麼大驚小怪
一如所料無需大發雷霆

就怪自己有眼無珠吧！

聚"一"會

太耐冇見我所謂既朋友
好奇收到佢地既電話
平時連MSN SAY個HI都好少
今日唔知發生咩事

朝頭早同SANDY傾過電話
先知原來咁多陳年"屎"
唔知佢想關我事定唔想關我事
我只好唔出聲...哦...哦...就算

晏晝五點左右
我去左鰂魚涌同我老豆食TEA
都幾個月冇見佢話我瘦左
查實我肥左先真
同佢傾傾下就6:30PM喇
係時候要走

因為7點袁生約左我
佢話我見得世面少
帶我去食好野喎
起初打算係世貿食吉烈豬排
點知得個7點幾就要等十幾張抬
更係走啦

點知佢帶我去食TUNA
我都唔食依種魚既
佢話我識咩呀
跟左佢去個度咪又係要等
嘩.....幾很熱先得架
等等等
點知入面真係只得TUNA食
睇個MENU點睇都唔知有咩分別
所以就是但叫左個定食就算

食完咪各行各路囉

自己返大陸

哎呀...門牙粒嘢又爛左!
今日個牙醫幫我整緊個時問我點解隻牙唔同左色，
先知我隻牙條神經線斷左所以隻牙死左變灰色，
我一直都唔知仲以為蛀牙潻…
就算啲牙平晒都要將佢相牙套先至得！
勁唔開心羅…
早知咁就一早唔COOL牙啦！

星期五

起左身以後一直心情都唔多好
原因係咩？
可能因為佢卦…
一直都冇食嘢就直到夜晚佢返黎為止

她很像誰

http://www.youtube.com/watch?v=HXX5Jvk9paE&feature=related

那天正下著雨

跟隨腳步

走到心動的地方

轉眼間雨停了

是時候吧

浪費時間

既然你有你想法
依一秒雖然大家相愛
但你自己都唔擔保下一秒會係點
何況咁耐以來我一直得唔到安全既感覺
我就算好愛你咁又點呢？

我既體會加上你既經歷
只會俾我覺得騎牛揾馬得過且過

答我唔咁諗可以點？

最後的話

百感交集既原因唔係因為佢哋既婚禮
反而登佢哋高興
無出席只係我既問題
我一邊諗
其實我究竟有冇當人哋係朋友呢？
定係我根本上就冇朋友？
依個唔係重要問題

問題係…
相信我快支持唔住喇
家人、朋友、事業、愛情
若有若無，有名無實
定係其實已經一無所有呢…
孤獨無人會知道！

如果話你聽我由細個到依家都冇快樂過
請問我生存仲有咩意義？
我真係好攰好攰
只想瞇埋眼…
一直瞓一直瞓…
唔想再瞓醒…
因為我相信另一個世界會更快樂



愛我既人：對唔住！

生日快樂

雖然今年冇出去慶祝

又冇生日禮物

只係去左同家姐飲茶

同帶左pierre去西沙游水

不過夜晚王子係佢間餐廳度

為我整左一餐好豐富既晚餐

咁就.......算啦........

當然唔少得

由王子親手做既蛋糕啦

Last Day

半夜我地到左kl mid valley
比calvin激死...又話有房
好睇最後cititel個邊仲有一間房姐

check in 完就等zach黎接我地
好肚餓呀......
真好!又可以mingtin勁食嘢
我等左今日好耐架喇!
本來zach話去飲嘢既
不過我地太攰喇
謂有下次先啦

訓訓下..王子係咁叫係咁叫
仲咩呀...你肚餓就自己食早餐羅
依...轉身真係唔見左!
佢食飽返上黎仲好招"jik"
咁話我知佢食左依樣個樣

跟手就同佢落樓下買衫買手信
可惜時間有限去唔到邊
一點三到我地就要坐車入機場
走之前好在阿john都有出黎同佢食lunch
今次旅行都係佢幫手搵朋友幫我地安排咋
只係見見半個鐘就走
真係唔好意思

上到飛機當然又係訓啦!
落左機
我地去左威尼斯人呀
因為佢好近機場咋
坐車又唔使錢
去到諗住買定船飛
點知個職員叫我地去登記做會員
咁就有兩張免費船飛喇

係個度食左一餐$7xx既晚餐
都唔知點解咁貴架
好在臨走都係賭場贏左$100
加埋慳左$300船飛
個餐都係$3xx姐!
係唔係呀..BB?......哈哈

返到香港
我地實在太掛住隻肥豬喇
所以差唔多兩點
都要入家姐西沙屋企接返佢

家姐點解...
佢又肥左架?

DAY 3

清晨六點
今次係第二次同黃金蝦王子睇日出
當地人話六點半太陽就會係海面升上嚟
我哋行左去隔幾個RESORT揾個好位睇日出
等等等…等等下竟然落大雨
我又著得少衫
感覺越來越凍
等下等下人地都食早餐喇

天氣凍，人自然想食熱嘢

所以我哋唔理落幾大雨都跑返去自己個邊嘆返個早餐先
唔覺唔覺都八點三羅
又係我哋出海既時間
今次我哋要坐十分鐘到船去島既另外一面
出發前當然要聽下dollar有咩講啦

而robert係我哋出海前都不忘鼓勵王子
依…今日王子冇掉轉件潛水衣嚟著喇喎
落度海仲勁左
冇再浮上水面
依次係水中間咋
之但係王子成日阻住曬

我只好同阿DANNY去睇NEMO
唔知點解佢成日覺得我鍾意睇MO仔羅
正當我哋擺緊pose影相之際
突然有成千條吞拿魚游過嚟

起初都唔知咩魚
仲以為係烏頭添…哈哈哈哈
唉…飲左幾啖水添
最衰都係自己冇較緊個MASK…入哂水吖！
潛左冇耐就俾我見到魔鬼魚
落水之前又見到兩隻海龜係水面攪嘢

學robert話齋we a lucky喇
不過我哋點都覺得條鯊魚同海龜係robert扮架羅

出海前我哋就已經check out左
所以玩完之後我哋就係robert間房沖涼
估唔到佢係個海度都十年喇喎

之後我哋坐返一個鐘頭船返KT坐飛機去吉隆坡
我哋係KT行左一陣間
個度好細一兩個鐘就行曬

我地去到kt機場賓在太無聊喇
所以我同王子竟然係機埸玩行理車
完全唔理傍人目光
跟住地下既花紋周圍行羅
再嚟就係候機室玩十三張.."come"綿胎...etc


就咁三日兩夜之旅就話咁快完左
我要多謝BB陪我潛水
佢唔識游水又唔識浮
我諗佢其實都幾驚架
錫曬你吖！