DAY 2

死火喇…閉喇閉喇
9點半喇…趕唔切喇
兩張去MARINE PARK飛都係“格”萬度，仲要等人嚟開吖！
好彩…十點先上船
都趕得切去
唉都未訓醒就上船又肚餓喎
好在個度有嘢食賣
人哋落曬海
而我哋兩個就係沙灘樹底下食餅飲可樂
哈哈哈哈

依度成個海都係魚
係水度睇啲魚多到我睇唔到前面
王子唔知痴左邊條根
無啦啦執條海參上嚟攻擊我
又羅啲包包放係人哋個身度等啲魚咬我
想嚇死人咩…

走之前俾我見到海龜BB
佢哋真係好得意吖
成隻阿PAE咁
忍唔住要錫佢一啖吖

食完晏我哋決定今日唔潛水
我哋去左隔離嘆返吓
一邊曬太陽一邊飲下嘢…爽吖
之後我哋又係海灘浮潛
今次見到鯊魚BB
唔知係王子啲行為得人驚定係條BB嚇親我呢？
嘩嘩嘩…你估自己係鯊魚咩？點追吖？

食完晚飯過後我哋行左一陣就返去訓喇
因為我哋夜啲要影星星吖
不過好唔好彩成天都係雲
一粒星都冇
睇嚟想又落雨喇

Day 1 @ Redang 29/6

因為訓唔普既關係我六點鐘就叫醒王子喇
但好不幸王子太懶訓又等到7點半佢先肯起身!
我地要坐9點船入麼麼茶島
而8:15就有RESORT既轉車接我地去碼頭
唉..王子要食早餐
咁我為有帶佢食MAMA店啦
好在我都仲識叫野食..
先黎杯起晒泡既拉茶
再黎一份BUTTER ROTI
嘩..都夠晒飽呀!

到左碼頭都幾多人喎
個個都係去REDANG
不過要坐一個鐘頭船先到
有D人帶身埋一大袋潛水打野同行李去RESORT
而我兩個只係帶左一個BACK BAG 同一個HAND CARRY袋就去5日夜喇

嘩...上船喇..上船喇
係船度王子竟然變左做劉華..成隻船入面佢最型啦!
我地一面係陽光下影下相,一面吹吹海風...真寫意

坐到去樂浪島個邊我哋又要轉坐接駁船去RESORT
終於見到沙灘喇
未埋到岸就已經可以見到水清見底
淺藍色既海水上面見到紅色既JELLY FISH係度游水

船上面既人都急不及待趕往check in
但係個度要十二點先羅得鎖匙
我地見仲有個幾鐘所以係沙灘四圍行下

行下行下去左隔離個RESORT
原來麼麼茶小屋已經變左gift shop喇
之後再係自己個RESORT度買下睇下
淨係買泳褲都間左半個鐘啦
俾埋錢都夠鐘羅鎖匙羅

每日resort都會安排曬節目俾我哋
DAY 1
一點鐘食晏
二點半坐船出海浮潛
四點鐘食tea
五點打後自由時間
七點半食晚飯+BBQ
十點半後係RESORT BAR有人唱歌跳舞

DAY 2
七點半開始食早餐
十點去marine park浮潛
一點鐘食晏
二點半再坐船去其他地方浮潛
四點鐘食tea
五點打後自由時間
七點半食晚飯
十點半後就可以係海灘DISCO跳舞

不過DAY 1我哋玩完浮潛
食埋TEA之後去左玩潛水
好開心吖第一次見到好大條鯊魚係自己面前游
又見到一班傻仔nemo
佢哋好八卦架
佢哋仲好奇過我哋
我睇睇下竟然有條大mo仔衝向我相機跟著仲撞到我個頭

而另一邊廂
因為係王子第一次既關係
佢大部分時間都係見佢係度游水
完全係冇見過佢接近過啲珊瑚架
我就理都唔理見到咩得意就游埋去睇下羅
所以成日都俾教練拉走我跟著返王子

唉…王子可唔可以游快少少呢？

點解你潛水個姿態呾有型既?
喂!你隻腳成日係我眼前
我係嚟睇魚仔唔係嚟睇豬羅右架

就係咁第一日我哋都玩到好攰喇
BBQ完返去訓左陣
跟著十一點度去左BAR到食吓薯條食下可樂聽下人唱歌
好可惜落雨出唔到去海邊坐
食完又返去繼續訓
因為二點要起身睇波吖…決賽喎
之但係我哋二日冇乜點訓又游完水
訓醒個刻離完場得反十五分鐘
但我哋都趕去隔離resort度睇
完場我哋為有摸黑返自己間resort
嘩…望上個天原來有好多星星
手拖手行沙灘睇星星…好靚吖！

6月28日

六月二十八日起飛前成晚都冇訓，
自己執嘢等佢執嘢幫佢執嘢都成四點…
本來話坐四點船過澳門，
但睇佢左攪又攪又要等佢沖涼…

依都天光羅！
仲要求訓一陣七點起程，
點知成八點先出門口，
但我哋最遲要八點半上船因為我哋一定要十點前去到澳門機場…
去到信德都八點三羅竟然佢未㩒機，
依turbo jet普通位得八點四十五分死點算呢？

聰明既我見到對面有珠江客運喎，
好彩個邊船有八點半仲要係機場個邊落船慳番時間坐的士，
係機場好彩見到HSBC又放心啲喇，
攪掂曬都已經十點三，
十點四十五分起飛但我哋三十分先行入去過境羅，
又大安指意食早餐趕死人咩？
入境後發現班機因為紅雨要delay…
所以本來二點半變左五點先到;-(
冇得去市中心揾朋友啦，
謂有係機場等到八點再起飛去丁加奴啦！

去到個邊有人又大安旨意個邊有酒店羅…唉！
當然去到full左啦再睇下左右隔離有冇啦…
唉！又full.好肚餓我是但係一間食嘢，
好在馬來西亞啲人好好人姐，
佢車我哋去揾酒店因為咁夜冇的士架喇！
好在最後都有一間似時鐘酒店又唔係酒店既物體住一晚羅…
不過我訓唔著羅…
死仲有三個幾鐘做咩好呢？

6月27日

今日好多嘢做
起身冇耐就要趕去換錢,
去到中環我都搵左幾條街搵個間嘢,
去到仲要等左好耐,
之後去左買嘢比王子,
褲仔係中環買,
衫就要去銅鑼灣買!

好餓呀...成六點都未食嘢
打比anson睇佢係邊
羅返份保單同佢食完tea
我仲張去買衫同蛋糕,
嘩...7:30pm先返5屋企換衫,
攪店晒我9:30pm先入到西貢
好彩吉媽媽仲未到!

見到佢地全部嚟晒好昇心呀,
不過另一方面就有d失落羅,
因為我已經唔係佢地一份子喇,
但佢地都不忘揪我水,
唔放過任何一個偷襲我既機會,
嘩..我地晚餐好正架又龍蝦鮑魚...
食飽走人都十二點喇,
好彩仲有車返去
不過食完肚屙羅-_-"

夏日的麼麼茶

請等等
我快來了

是因為我生日吧
還是他想要放假

算吧算吧！
還是要多謝他

小玩意

六月二十日
是我姐的大好日子
從第一天跟他點過頭見過面
我印像記得是上年的這幾天
想不到今天他已是一家人了

婚姻就是那麼兒嘻
想想說說就已經達成

為什麼我也說了六年
到頭來人已分情也變了
至今我還是一樣浪費時間麼？
值得嗎？

她的決定
今天我已明白

一直走沒有終點的路
走到累時
原來都會一樣放棄
更何況中途出現依靠
姐…
抓緊機會好好休息吧！

快樂

似乎已經忘記吧！
是它嗎？
聽快樂的問題，回答
想不到它原來不再快樂
都是因為我麼？
就連我也覺得已經不是快樂了
這都是因為…？

傻瓜

傻傻的我
突然想跟他生一個小孩
沒有解釋也沒有原因

只是幻想著當了爸爸的他會變成怎麼樣呢？

他會給他聽電台英語節目嗎？
或是跟他一起偷偷摸摸偷吃零食？
他會跟小孩一起玩GOW嗎？
他奏樂時要小孩一起唱歌嗎？
頑皮時還是用那小毛巾打他小手麼？

心想…
這麼可愛的父親那裏可尋
此刻只想到那幸福畫面
過著簡單快樂的生活

雨

從六月的第一天起
它每天也跟我一起
我猜想…

天是否同樣傷心欲絕對所有人和事也感到失望
還是因為它累得汗流浹背
所以它不遺餘力地沒有停過

而我又怎麼樣？

依賴…要他當萬能俠
嬌嗲…要隨時隨地
愛美…也要他讚美
遲鈍…要他保守秘密
妒忌…要他沒有過去
小氣…也要他逗我歡喜

都是普通女人有的特質
也是我獨有的尊利

黃金蝦王子 之 < 信仰篇 >

王子除左有非凡絕技外
其實佢對信仰都有另一獨特見解
王子認為對自己既宗教表示尊敬
應該要連訓覺個陣都必須表現出嚟
咁樣先可以達到最高境界

黃金蝦王子

係好耐好耐之前天后住左一位王子…
佢係一位好犁利既王子
不論遇上幾多隻黃金蝦
王子都可以一秒之間將佢哋毀滅
王子除左咁
仲可以同時間將成個西瓜吞落肚
佢從來都唔需要人幫手
因為每次當有人想拔刀相助
王子就已經搞掂晒喇

另一方面
王子仲有好多絕技
撟腳就係其中一種好例子
你可能話“啫…依招我都識啦！”
但係你可唔可以訓覺個陣撟腳吖？
我就覺得唔係一般人做到喇！

（完）


今集《黃金蝦王子》故事講完
請大家密切期待下一集啦！

天意

注定要你咁樣就咁樣

天
要你相遇
要你睇見
要你接受
要你離開
要你忍受..........

不論係日常生活
又或者係
所有大事小事
佢都唔會放過你

放假

我行我素繼續係我既風格
不管身邊既人對我睇法係點
唔理我鍾意既同決定既
我諗都冇乜邊個可改變到
但長久以來依啲所謂既意見
我越來越覺得討厭

所以我決定要放假
離開依個不知所謂既地方

可能對某人嚟講
我放假會導致佢心情緊張
唔明點解一定要去
又唔明點解會同邊個去

老實講
我冇特別要求過
去邊一度同邊個去
所有嘢都係是但安排
有機位咪去羅
邊個得閒去咪一齊去羅

我講咁多仲咩呢？
都多餘既…
你哋鍾意諗咩就諗咩
反正我就係咁！

黑色星期六

今朝好早就醒左
計落只係訓左四個鐘
都好耐冇試過失眠
開眼個陣完來都係八點左右

而對豬都醒左
佢尋晚話要休息十分鐘
叫我差唔多就叫醒佢做嘢
之但係佢就訓左十個鐘

係朝早的確佢係有做嘢架
不過做唔夠幾分鐘就過睡房行下咁羅
開始既時候就叫我一齊新聞
“嘩…黑雨吖”
再來就叫我一齊睇亮相
後來又再次做嘢但係冇幾耐又入過嚟
仲話我“你笑得咁大聲咪睇下你笑咩羅”

你咁講我
OK羅

外面天氣勁唔店
使唔使咁大雨又行雷又閃電吖
頂…唔使出去啦！
而心情又好自然跟天氣一樣
勁唔店當吖

仲要俾我聽到啲唔想聽既嘢
睇嚟依本《說話的破壞力》
可能適合一啲唔三唔四即人睇既書
依啲係咪叫做火上加油吖？

之後身體再一次戰鬥力下跌
又一次暈倒
又一次抽筋
再次感受到身心上唔同既痛

大雨

依幾日都一直落雨
日日都天陰陰咁
今個星期根本上冇一日陽光普照
而我既心情就跟隨天氣一樣都係灰灰暗暗

朋友同事好羡慕我依家過既日子
老實講…我一啲都唔好過
今時唔同往日吖
以前我既自由生活都離不開朋友屋企人
但今日我發現擁有既原來……
真係唔明白
其實我係咩呢？

過左一個十幾日既悠長假期
每日都過得灰灰暗暗
生活一啲意思都冇
朋友似約有約無
家人似乎所餘無幾
幸好仲有一對肥豬

心情一日比一日欠佳
身體好似仲差過之前
我諗我係時候要出外走走行返過大運吖

想點？

從尋晚黑起我就諗唔通喇
查實我想去邊呢？
同邊個去定自己去呢？
想點先？
一個又一個問號係我個頭上面

問佢去唔去又唔答
到我同第二個去佢又話冇話唔去
想點呢？
咁邊度都唔去羅
日日係屋企好唔好

最火滾就係銀行冇啦啦HOLD起我啲錢
究竟仲咩事呢？
佢又想點吖？

過活

啊…啊…啊…
點解會‘緊’架
我依一秒鐘梗係覺得好浪費吖
直頭係晒曬吖

我‘能’呢…我實在太無聊喇
雖然有病姐
日痕夜痕
咁樣過活都唔係辦法

有幾？妖…

星期一
十二點起身
家姐同榮榮過灣仔
所以順便車埋我
其實係佢想我同佢去金都間多條裙
好好好…‘處處處’
去到試下衫試下頭飾
整車頭公仔再買手襪
跟手再去聯合左整右整…
咁又五點幾喇
想餓死人咩
哦…報埋團先食吖
好…分頭行事我去揾大醫生幫你羅藥水嘛
得…我去買送先吖嘛
嗯…我自己坐車返屋企煮飯先
返到去都七點幾喇
無幾耐主人都返左嚟喇
今晚有咩食？
有龍蝦個姪仔吖
有鯊魚骨煲花旗心湯
有翠玉瓜抄鮮友
有豉汁steam青衣
仲有滑滑水蛋架

冇幾耐
大姨媽到喇
佢話冇肉食
所以叫左大姨丈買海南雞

依…點解我個半隻姪仔冇左架？
吓………主人………
好…算…！
我都係想整俾佢食既
佢食得開心就店晒啦
嘻嘻…！
女管家冇煮飯都一論時間
所以冇以前咁好手勢lu

食飽當然要做返啲運動啦
我睇佢哋玩我隻新wii game
睇到我吖《笑不攏嘴》…
冇耐樓下都頂唔住要投訴我哋吖
嘩哈哈哈哈

星期二
一‘抹’大對眼
我就忍唔住要…
SEND個情慾SMS俾主人
正當開始“傳送中”
主人就打嚟
有冇咁快收到吖…我心諗
哈哈哈哈

之後打後個十個鐘都係無聊到爆
問：做乜嘢？
答：冇嘢做囉！
repeat n repeat
差唔多十點又肚餓喇
大家都係買外賣but.…
我食日本嘢～隨你鐘意
佢食美國嘢～麥記
一度食一度睇潛水鐘
嘩…點解會肚痛既？
好悽涼吖
孤兒仔吖
無人理吖
好…算，二點幾食藥訓覺

一星期

唔經唔覺今日已經係星期日
但點解好似日日都係同一日既？
經我了解過後
事關灣仔依達地方
如果你每日都要去同一個地方
（返工返屋企除外）
每次都會買嘢
但每一次都唔係你想佢買既嘢
你話吖...個個感覺討唔討厭先？
只不過係加多五千一百六十蚊
你就可以將你手上既吸塵機upgrade為十六極板小物Phone喇
嘩...係人聽到都覺得底啦
咁你仲係度睇乜？
仲唔嗱嗱聲去！

五月三十日

二點左右諗住食個tea
點知大姨媽叫我陪佢去香工
咁我只好順佢意去到個度先食
正當我妝身個陣
主人冇端端開門…想嚇死我咩
不過佢只係開左對門放底舊嘢
咀我左一淡之後又山反對門喇
依…係咪幻覺吖？

當我去到香工都四點幾
行下睇下買下
唔覺唔覺都就嚟七點
嘩…想餓死人咩

夜晚八點三我要睇林海峰
出面又落雨
我謂有食件菠蘿油加份雞脾沙律等啦
主人話喎七點四十五分係尖沙嘴等
冇錯！
我的而且確係係個個時間再等多四十五分鐘架
等得真開心
喱…明知自己實會遲到仲要羅埋人地張飛
依啲人咪叫做自私羅
去到都開左場啦
不過個show真係勁爆笑
黑臉都變白臉啦

完左我哋就去MEET縱橫二千既好同事
而一入到K房就有驚喜
佢哋究竟係讚緊主人定笑緊佢呢？
後來主人都走唔出O泥肥吖對咸豬手
眼見主人好無奈
反而我覺得勁好笑
主人仲問我唔會嬲架咩？
我心諗肥吖佢都仲未出蕉
都唔夠好笑…哈哈哈哈！